MGA NAKAB-OT UG MGA KALAMPUSAN SA PROGRAMANG “WE CHANGE” GI-LADLAD NI MAYOR JAYFRANCIS BAGO

Ang Mayor sa lokal nga pangagamhanan sa lungsod sa Opol Misamis, Oriental, mipahigayon sa iyang ikaduhang State of The Municipality Address (SOMA). Dinhi iyang gipakita sa katawhang Opolanon ang daghang mga programa og proyekto nga mga natapos , nagpadayon og pagasugdan pa nga nihaum sa iyang gisaad sa katawhan nga iyang pagabuhaton ug tumanon sa iyang pangagamhanan. WE CHANGE – Water, Education & Livelihood, Connectivity, Health & Social Services, Agriculture, Natural Resources, Good Governance & Eco-Tourism Sa panubig garbo niyang gipadayag nga daghan nang mga katawhan nakapahimulos og padayon pa kining ikutay sa ubang mga kabalayan aron matagbaw ang katawhan nga sa dugay ng panahon giuhaw. Pag-ayo ug pag semento sa mga kadalanan sa hinterland, midland og coastal barangays. Mga nagkadaiyang ayuda giapud-apud ngadto sa mga nanginahanglan ug daghan pang uban.

Gipasalamatan usab sa mayor ang mga opisyales sa kauluhan ug sa lokal nga diin dako usab ug gikatabang, Sama nila Sen. Koko Pimente, Sen. Miguel Zubiri, Rep. Zandro Marcos, Rep.Lordan Suan, Rep. Bambi Emano, BFAR-RD X Edward Yasay, BM Dexter Yasay ug ang amahan sa probinsya sa Misamis Oriental Sr. Peter Unabia ug uban pang nakatabang sa iyang administrasyon. Sa pagprotihir usab sa kinaiyahan ubay-ubay ang mga nangadakpan nga nagpahigayon ug illegal mining sa kabukiran. Sa katapusan mapasigarbuhon niyang gitaho nga ang lungsod sa Opol nahimo na kining First Class Municipality.

Ang nasangpit nga SOMA gitambungan kini sa mga katawhan sa Opol og sa mga kadagko-ang opisyales sama nila Rep. Bambi Emano, Rep.Lordan Suan, BFAR-RD X, Edward Yasay, BM Dexter Yasay og si Provincial Governor sa Misamis Oriental Sr.Peter Unabia ug daghan pang uban. Kini mipahigayon didto’s Opol Community College Gymnasium niadtong Hulyo 27, 2024.

Danilo Paraguya

Ricky Abragan / Andy Garsuta