Gugma ug seguridad maoy prioridad ni Mayor Jayfrancis Bago atol sa kasaulugan sa Kabaya Festival 2023.

Pari nga gikan sa lugar sa Poland nga si Fr. Dariusz Drzewiecki, gikan sa Mother of Divine Mercy Church ang mipahigayon ug misa (mass) agig pagbukas sa ikaduhang hugna nasangpit nga festival dinhi’s lungsod sa Opol nga iyang gipaklaro sa iyang homily ang kamahinungdanon sa guggma kay di kita magmalipayon kon wala kitay gugma. Dinhi usab gidasonan ni Mayor Bago sa iyang mensahi nga niining kasaulugan ipatigbababaw ta ang gugma ug ang pag-amping sa tanan aron masiguro ang seguridad (safety first) Human sa misa gipahigayon gilayon ang cutting of ribbon agig pormal nga pagbukas sa nasangpit nga kalihukan.

Human sa nasangpit nga seremonyas gisugdan gilayon ang mga nakalatid nga mga activities nga kadaghanan niini adunay mga dagko nga premyo alang niadtong mga mananaug nga gipanghatag gilayon atol sa culmination nga gipadayag usab ni Mayor Bago ang iyang pasalamat sa tanang misalmot nga mga kabarangayan ug ang kooperasyon sa mga Opolanon nga nagmalipayon ug walay mga dautang panghitabo sulod sa maong kasaulugan agig pahinungod usab sa Patron sa lungsod nga Birhen sa Kalipay. Nagkalain-lain ug bibo nga mga kalihukan ang nakahan-ay sa matag adlaw. Anaa ang Drag Queen Battle, Booth Display sa matag Barangay, LGU KPop Night, Local Talent Show, Sports League, Barangay Night, Street Dancing Competition, Miss Opol 2023, Celebrity Night ug daghan pa. Nahitabo ang maong mga pasundayag ug mga kalihukan sugod niadtong Agosto 25- September 2, 2023.

Danilo Paraguya
Andy Garsuta / Edwin Tabilon / Nathaniel Daga