HOLCIM PHILIPPINES UG LOKAL NGA PANGAGAMHANAN SA OPOL, MISAMIS ORIENTAL NAGKASINABOT SA PAGSULBAD PROBLEMA SA BASURA SA LUNGSOD

Pormal na nga gipirmahan ang Memorandun of Agreement (MOA) tali sa nasangpit nga lungsod pinaagi ni Mayor Jayfrancis Bago sa HOLCIM Philippines nga gi representahan sa Vice President niini nga si Engr. Samuel Manlosa. Di matukib ang kalipay ni Mayor JDB tungod sa ilang pagsinabtanay tali sa nasangpit nga ahensya aron pagsulbad sa dugay na nga problima sa basura. Gilatid sa kasabotan nga ang lokal nga pangagamhanan maoy mo responsable nga mopalambo ug ma implementar ang epektibo ang pagdumala niini. Ang nasangpit nga kompanya mao ang tigbuhat sa cemento nga makahimo pagtratar sa non-recyclable og ang pagbulagbulag na nga solid waste maoy magamit alang sa paghimo ug cemento uban sa single combined operation o gitawag nga “co-processing” Gilauman ni mayor JDB ang pag-abag sa katawhan aron magmalampuson kini nga tinguha ug moabot ang panahon nga hingpit ng masulbad ang problima sa basura.

Ang MOA signing via Zoom nga giubanan ni Vice Mayor Danilo “Vox” Daroy Jr. ug sa mga miembro sa Task Force Basura nga pinanguluhan sa ang Head sa MENRO ,Engr. Randolph Hallasgo. Lakip sa online ang mga nangulo sa Holcim Philippines sila Engr. Samuel Manlosa ang VP ug Head of Geocyle Philippines si Ms. Ana Dia Cruz- Aguisandra ang Manager sa Geocycle Philippines ug si Mr.Mike Tagarao ang host sa maong programa sa MOA Signing online. Kini nga kalihukan gipahigayon niadtong petsa nueve ning bulan sa Agosto 2023 diha’s Mayor’s Conference Room sa mga alas 10:00 sa buntag.

:Lalang Rago