Kultura ug tradisyon sa mga Lumad kinahanglan magpabilin, paga-ilhon, palambuon ug ipadayon dinhi’s lungsod sa Opol

Matud pa sa atong nasudnong bayani Dr. Jose Rizal siya nagkanayon nga “Ang di molingi sa gigikanan di makaabot sa padulngan”. Dinhi mihaum kining kasaulugan gumikan ang mga lumad-higaonon nag preserba sa ilang kultura ug tradisyon hangtud karon nga mao usab ang gikuhaan ug gitun-an sa mga bag-ong henerasyon aron masabtan kon unsa ug kinsa kita kaniadto aron atong magamit sa pagsumpay sa umalabot nga panahon. Tipik sa gituki sa katiguman mao ang mga kinaiya tradisyunal nga pamaagi sa tribu sama pagrespito sa mgakatiguwangan, pagpananom, panginabuhian, mga pagamit sa ilang mga kasuotan sa ilang pagsayaw o mga pasundayag aduna gayud silay pagasundon nga kasagaran adunay kalambigitan sa kinaiyahan. Matud pa usa ka mamumulong nga si Datu Maulana Romeo Gican sa Barangay Cauyunan nga ang tribu sa hinterland barangays ila ng na gi adoptar ang mga kinaiya sa bag-ong henerasyon ingon man ang higaonon ancestors nabantayan usab nila ang kausaban pero gumikan sa tabang sa ilang tribal community siya nagtuo nga magpadayon nga masunod ang ilang mga kultura ug tradisyon Matud usab ni Indigenous Person Mandatory Representative (IPMR), Kagawad Jeffrey Puasan nga ang social media nakaapekto ug dako sa kausaban apan pangitaan usab nilag paagi nga ma counter diha ra usab sa social media. Dugang niya nga iyang paningkamutan nga maka mugna ug balaodnon nga matawag nga Indigenous People Development Program nga mamahimong IP code.

Gikalipay ug hugot usab kaayo ang suporta ni Mayor Jayfrancis Bago sa mga kalihukan susama niini. Nahimong Tema ning kasaulugan ang “Heritage-Change-Continuity”, nga gipahigayon sa Barangay Taboc ug Cauyunan nga gidumala sa buhatan sa Turismo sa lungsod pinaagi ni Rina Caliza ang Tourism Officer Designate.

Danilo Paraguya

Edwin Tabilon / Andy Garsuta