PANUBIG SA YOUNGSVILLE SUBDIVISION MUDAGAYDAY NA

Alayon sa program development ni Mayor Jayfrancis D. Bago nga naka-angkla sa We Change kun diin ang W mao ang Water & Insfrastructure. Mao kini ang gipaningkamutan ni Mayor Bago nga makakita ug kasulbaran ang dugay na nga problema. Kahinumduman nga pipila ka tuig nilabay nga wala gayuy agas ang mga gripo sa maong subdivision. Mao kini ang yangungo sa mga residente sa maong lugar. Magbilar ang mga residente kay magtukaw para makapanalod lamang ug makatigom sila ug tubig para sa ilang adlaw adlaw nga gamit.

Niadtong Hunyo 17, 2023 nag ensayo o dry run ang Cagayan de Oro Water District (COWD)ug South Balibago Resources, Inc (SBRI) ang pagpaagas sa tubig aron masuta ang kahimtang sa mga tubo ug unsa usab kakusog ang tubig nga mugawas. Ang COWD man ang nagpalit sa bulk water supply sa SBRI thru RA9184 o ang government procurement pinaagi dayon sa pagkontrata sa 20 ka tuig Malipayon si Mayor Bago nga mitungha gayud aron musaksi sa maong aktibidades. Miingon siya nga wala makawang ang iyang pagpaningkamot sa pagpangita sulbad sa problema kun diin nagkau-yon ang duha ka ahensya nga maoy nilihok aron makab-ot ang maong proyekto ni Mayor Bago. Mahitabo ang inagurasyon sa panubig karon umaabot Hunyo 26, 2023 sa Zone 7A, Youngsville Subdivision, Brgy. Igpit, Opol, Misamis Oriental.

Lalang Rago

Edwin Tabilon / Dina Grace Daga