Usa ka dakong katiguman sa Northern Mindanao gipahigayon sa lungsod sa Opol.

Ang maong katiguman gitawag ug Northern Mindanao Integrated Water Security Summit. Nga mismo ang ang lungsod sa Opol maoy nahimong host pinaagi sa amahan ninii nga si Mayor Jayfrancis Bago. Kini gisalmutan sa mga nagkadaiyang mga delegado sa pribado ug publiko nga gikan sa Northern Mindanao nga mga kadagkoan sama nila Gov. Peter Unabia sa Misamis Oriental, Mayor Rolando “Klarex” Uy sa dakbayan sa Cagayan de Oro, Gov. Imelda Q. Dimaporo sa Lanao del Norte ug Chair usab sa RDC-X, Rep.Yevgeny “Bambi” Emano sa Segundo Distrito sa Misamis Oriental, Ms. Queritess Q. Queja ang Executive Director sa Oro Chamber of Commerce ug daghan pang uban. Dinhi gituki ug gipresentar ang mga nagkadaiyang hisgutanan kabahin sa panubig dili lamang kon unsaon kini paggamit kon dili lakip usab ang nagkadaiyang problema nga nasugamakan sa katawhan sulod ning maong dapit.

Ang ubang ahensya ug buhatan mipasundayag sa mga bag-ong teknolohiya sa pagproseso sa tubig aron mahimo kining mapuslanon. Gipakita usab ang mga butang nga diin maoy nakahatag kadaut sa katubigan. Ang Department of Agriculture mipasundayag usab sa ilang pamaagi sa pagamit sa tubig aron ma produktibo ang mga mag-uuma. Samtang ang presidente sa Seven Seas Water park nga si Engr. Elpidio Paras sa private sector mipaambit usab sa iyang kasinatian sa pagamit sa mga bag-ong teknolohiya nga maoy iyang gigamit aron mahingpit nga magamit ug mapuslan ang nasangpit nga water park. Dugang pa niya nga sulod sa dugay na nga panahon walay bisan usa nga nagreklamo sa mga nakasulay pagkaligo dinhi. Sa gipahigayong mga open forum, mipadangat sa ilang mga obserbasyon ug suhestyon sila Rep.Bambi, Mayor Bago, Gov.Unabia , particular na ngadto sa National Water Resources Board (NWRB) ug sa uban pang ahensya ug buhatan. Nagmabulokon ug nagmalampuson ang duha ka adlaw nga Summit nga gipahigayon sa Seven Seas Water Park,Opol Misamis Oriental niadtong Mayo 25-26,2023.

Danilo Paraguya

Andy Garsuta / Edwin Tabilon