The Viewpoint sa lungsod sa Opol, Misamis Oriental hingpit ng gibugsan para sa tanan

Malipayon ug mapasigarbohon ang amahan sa Lungsod sa Opol, Mayor Jayfrancis D. Bago nga pormal ng gibuksan ang usa na usab ka maanindot nga tourist destination sa lungsod. Ang maong resort adunay mga kumpleto facilidad sama sa restawran nga daghan mapilian nga mga pagkaon. Adunay swimming pool nga makarelax ug magpabugnaw. Ug aduna usab cottages o kwarto sa katong boot magpahulay. Sa pakigpulong ni Mayor Bago, iyang giaghat ang katawhan nga suportahan ang mga lokal nga mga tourist destinations aron makatabang sa pagtuyok sa ekonomiya sa lungsod. Iya sab dayon gipahinumduman ang obligasyon sa katawhan nga mubayad sa buhis aron sab makadugang sa mga proyekto. Mitambong niadtong opisyal nga pagbukas ug ribbon cutting ang mga opisyal sa barangay pinanguluhan ni Punong Barangay Nilda Zafra, mga magtutudlo sa Malanang Elementary School ug uban pang mga dinapit.

Nahimutang ang The Viewpoint sa Zone 4, Barangay Malanang, Opol, Misamis Oriental ug bukas kini gikan alas 4:00 sa hapon hantud alas 10:00 sa gabie.

Lalang Rago

Edwin Tabilon