Multi-Purpose Building Project sa progresibong barangay sa Malanang gisugdan na

Dugang kalambuan para sa lungsod sa Opol ang natagamtaman karon sa katawhan sa Barangay Malanang. Gipahigayon ang usa ka Groundbreaking ug Capsule-Laying Ceremony sa usa ka Multi-purpose Building Project nga diha nahimutang sa CItihomes Subdivision sa Barangay Malanang. Kini nga proyekto sa pagpaningkamot sa kongresista sa Segundo Distrito sa Misamis Oriental Bambi Emano. Ang proyekto usa sa dugay na nga gidamgo sa katawhan tungod kay mapahimuslan kini sa panahon sa kalamidad isip Evacuation Center ug mahimo sab kini extension sa serbisyo nga accessible sa katawhan sa maong barangay. Nagkantidad kini ug 4,478,023.40.

Malipayon nga mitambong ang mga opisyales sa barangay ug lungsod sila si Provincial Board Member Dexter B. Yasay, Vice-Mayor Vox Daroy, kanhi Provincial Board Member Nancy Madjos, Sangguniang Bayan Members Danilo Daroy Sr. ug Roland Alfeche, Punong Barangay Nilda Zafra, opisyales sa Citihomes Subdivision, personahe gikan sa DPWH nga si Engr. Jim Ramos, ang Asst. District Engineer, mga lideres ug katawhan nga bout musaksi sa maong kalambuan. Nahitabo ang maong pagsubo sa proyekto niadtong Abril 25, 2023.

Lalang Rago

Edwin Tabilon