Kabaybayonan Festival gisaulog na usab sa lungsod sa Opol ,Misamis Oriental

Nagmabulokon ug nagmalampuson ang duha ka adlaw nga mga kalihukan nga gipahaum sa Kabaybayonan Festival 2023 sulod sa duha ka adlaw. Gisugdan kini sa clean up drive agig pagbukas ug gisalmutan kini sa mga coastal barangay councils, Philippine National Police, Bureau of Fire Protection, DepEd, mga kawani sa lungsod ug uban pang mga volunteers. Gisunod gilayon ang pormal nga pagbukas sa nasangpit nga kalihukan nga gipahigayon sa Ajis Beach Resort sa Barangay Taboc. Sulod sa duha ka adlaw nasaksihan ang ka bibo tungod sa gipahaum nga lain-laing indigay sama sa Beach Volleyball, Skimboarding, Henna Tattoo ug Bikini Open. Nakadugang sa kasadya ang pagsalmot sa Live Band ug Rave Party. Malipayon usab ang amahan sa nasangpit nga lungsod Mayor Jayfrancis Bago nga daghan ang midagsang katawhan nga misaksi niini. Matud pa nga pinaagi ning kalihukan mapasigarbo ang kataas nga kabaybayonan. Kahinumduman nga ang Opol lamang ang adunay pinakataas nga baybayon ug pino nga mga balas sa Misamis Orienta.l Dugang usab niya nga makatabang pagtuyok sa ekonomiya alang niadtong gagmayng mamomou.

Mao kini ang resultado ug mga mananaug sa tanang indigay:

Mr. Kabaybayonan 2023: John Andre Mirez(CDO)

Ms. Kabaybayonan 2023: Mia Jade Abueva(Opol)

Skimboarding – Advance Category

                      1st Place: Sybra Grace Salindo(Opol)

                      2nd Place: Daniel VIllasan(Opol)

                      3rd Place: Reynald Bernaldez(Opol)

                      4th Place: Giller Quitat(Iligan City)

Skimboarding – Master Category

                      1st Place: Crisner Lariosa(Opol)

                      2nd Place: Christian(Iligan)

                      3rd Place: Lester Rosal(Opol

                      4th Place: Kenneth(Tandag, Surigao)

Henna Tattoo Competition

                      1st Place: Paolo Skippy’s Inkz(Opol)

                      2nd Place: Marvin B. Adami(Gusa, CDO)

                      3rd Place: Raphael Cofranco(Opol)

Open Beach Volleyball(Women)

                      1st Place: Arm-G(CDO)

                      2nd Place: JRC Auto Glass(DIpolog)

                      3rd Place: ISA(Iligan City)

                      4th Place: Angels(CDO)

Ang nasangpit nga Festival gipangunahan nila Rina Caliza uban ni Miguel Actub sa Tourism Office niadtong Mayo 5-6, 2023 .

Lalang Rago

Edwin Tabilon/Andy Garsuta/Dina Grace Daga