Mga Barangay Tanod ug Barangay Peace Action Team (BPAT) sa lungsod sa Opol misalmot sa Pagbansaybansay

Ang katorse (14) ka barangay sa Opol mipadala sa ilang mga Barangay Tanod ug BPAT dinhi’s coastal barangay aron madugangan ang ilang kahibalo ug ilang magamit sa pagtabang sa pagpatunhay sa kalinaw sa ilang tagsa-tagsa ka mga kabarangayan. Ilang natun-an ang kabahin sa Maritime Rules, Basic Life Support (BLS) ug Hands-on Application, Role of Barangay Tanod, Desirable Traits of Barangay Tanod, Importance of Courtesy and Discipline in Public Relation ug Lecture on Citizen Arrest. Ang nasangpit nga kalihukan gipasiugdahan Sa Department of Interior and Local Government (DILG), Municipal Local Government Operations Office (MLGOO) pinaagi ni Consuelo Barbaso inabagan usab sa Maritime Police Station, Police Community Relation, CDOC Maritime Police ug sa PNP Opol.

Mapasalamaton si Mayor Jayfrancis Bago sa tanang misalmot ug misuporta. Kini gipahigayon sa Marvilla Beach Resort, Barangay Taboc, Opol Misamis Oriental niadtong Mayo 5, 2023.

/ Danilo Paraguya