Dalan nga dugay ng gipangandoy, gipahimugso ni Cong. Bambi Emano

Mikabat sa 48,980,252.17 ang kantidad nga gahin para sa spillway ug dalan sa Barangay Awang Opol Misamis Oriental. Gipahigayon ang Ground breaking and Capsule Laying niadtong Abril 4, 2023 nga gipangunahan ni Cong. Bambi Emano uban sa hugot nga suporta ni Mayor Jayfrancis Bago lakip sa mga kadagko-an sa DPWH ug sa mga katawhan sa nasangpit nga lugar nga gipanguluhan usab ni Kapitan Joselito A. Legaspi. Matud ni Mayor Bago nga dugay na kining maong proyekto nga gihandom panahon pa sa unang paglingkod sa Kongresista kanhi ug karon mibalik pagka kongresista sa segundo distrito Bambi Emano. Dugang pa sa mayor nga ang pagpatuman sa mga proyekto kinahanglan kining planohon, plastaron busa dili insigida nga ma implementar. Sa pakigpulong usab ni Cong. Bambi iyang gipasabot sa katawhan sa Awang nga kinahanglan gayud ang pagtinabangay. Iyang gipasalamatan ang atong Presidente sa Pilipinas Ferdinand Marcos Jr. uban ni VP Sarah Duterte Carpio, Speaker of the House Martin Romualdes ug mga sakop sa senado.

Kining maong proyekto kabahin kini sa Misamis Oriental West Diversion Road nga gikan sa Canitoan padulong sa matag lungsod nga maagi-an paingon sa Lugait. Pinaagi niini nga proyekto mokabat sa 72 mil ektaryang luna ang mapahimuslan sa mga mag-uuma nga diin mapasayon ang pagdala ug pagbaligya sa ilang abot nga di na mapahimuslan sa ubang magpapatigayon. Dugang niya nga dili pamulitika nila ni Mayor Bago kining proyektoha kon dili ilang gilantaw ang kaayuhan sa tanang katawhan sa segundo distrito.

Danilo Paraguya

Edwin Tabilon / Dina Grace Daga