Sangguniang Kabataan sa lungsod sa Opol mipahigayon ug tulo ka adlaw nga pagbansaybansay

Sugod niadtong Abril tres hangtud sa singko, 2023 gipahigayon ang tulo ka adlaw nga Training Workshop on Revisiting Comprehensive Barangay Youth Development Plan (CBYDP) and Review of Annual Barangay Youth Investment Program (ABYIP) for Sound Fiscal Management of SK Funds. Ang katuyu-an mao nga mapahanas sila sa CBYDP sa kasamtangang budget allocation, pagpasabot subli kanila sa pamaagi o proseso sa pag-gahin (budget), pagtudlo sa pamaagi (formulation) sa ABYIP ug sa ubang dokumento sa galastuhon (financial documents), pagsinabtanay (level off) sa mga hisgutanan o isyu nga may kalambigitan sa mga gimbuhaton (operation sa SK ug uban pa).

Kini nga kalihukan gumikan usab kini sa gi isyu sa Department of Budget and Management kabahin sa Implementing Guidelines on the Grant of Honorarium ngadto sa mga opisyales sa SK. Nagmalampuson ang nasangpit nga kalihukan pinaagi sa hiniusang pagtinabangay nila MLGOO Consuelo Barbaso, MBO Greg Radaza, MPDC Ailel Rose Asequia, Mun. Accountant Hilaire Mae Baculio, SB Sec. Joemar Franco D. Bago ug MSWD Designate Malyn L. Sarmiento. Mapasalamaton si Mayor Jayfrancis Bago kay pinaagi niini malamdagan ang mga SK opisyal ug makabuhat sila sa mga gimbuhaton alang sa kaayuhan sa mga kabatan-onan ug sa katilingban. Kini gipahigayon didto’s dakbayan sa Cagayan sa Oro.

Danilo Paraguya

Andy Garsuta