MIKABAT SA P 2.4M NGA KANTIDAD SA FARM INPUTS UG MGA EKIPO GITUNOL NGADTO SA TOBACCO FARMERS SA LUNGSOD GKAN SA NATIONAL TOBACCO ADMINISTRATION

 Malipayon nga midawat ang Malanang Tobacco Farmers Association ug Macabagu Zone 7 Farmers Association sa Brgy Bonbon sa mga farm inputs para nilang mga tobacco farmers sa lungsod. Kahinumduman nga anaa sa mandato sa Local Budget Management kung unsaon paggamit ang excise tax kung diin nakalatid diha sa RA 8240, mga programa ug proyekto nga maghatag inputs, trainings ug uban pa nga pwede makahatag suporta alang sa mga mag-uuma sa tabako. Gidawat ang mga farm inputs ug mga ekipo pinaagi sa ilang mga Presidente si Mr. Roland Barangot alang sa Malanang Tobacco Farmers Association ug ni Ms Rowena Apdian sa Macabagu Zone 7 Farmers Association uban sa ilang mga miembro ang 100 kabook plastic drums, 100 kabook Knapsack Sprayer, 420 ka bag nga Urea Fertilizer (46-0-0) ug 420 ka bag nga Complete Fertilizer (14-14-14). Sumala sa tala ang lungsod sa Opol adunay 40 ka ektaryas nga tabakoan. Sa pakigpulong ni Mayor Jayfrancis Bago iyang gipaabot nga angayan plastaron ang proyekto ug mapuslan ang excise tax. Nanghinaut siya nga mu sustener, mapalapad kini ug adunay mercado o ang bagsakan center aron makatuyok ang ekonomiya para sa mga mag-uuma.

Present niadtong ceremonial turnover ang representante sa National Tobacco Administration ang Tobacco Press Relations Officer nga si Ms. Lilibeth Rafisura nga maoy nagtunol sa mga mag-uuma. Anaa usab si SB Member Danilo Daroy Sr. ang Chairperson sa Committee on Agriculture. Nahitabo ang maong turnover didtos Zone 7, Bonbon niadtong niadtong Marso 9, 2023.

Lalang Rago
Andy Garsuta