“PATAS KITANG TANAN KON GENDER AND PAGAHISGUTAN”, MAO KINI GIPASABOT NI MAYOR JDB ATOL SA WOMEN’S MONTH CELEBRATION SA LUNGSOD SA OPOL

Gipasabot ni Mayor Jayfrancis Bago sa tanang mitambong nga bisan unsa paman ang imohang pagkatawo (gender), ma lalaki, babaye, bayot ug tomboy pariha ra tang tanan ug kini dili lang dinhi sa lungsod kon dili sa tibuok kalibutan (inclusive). Maikagon ug malipayon kaayo ang mga kababaenhan nga misalmot sa maong kasaulugan ug ang tanang barangay midalit og kanta ug sayaw. Alayon usab niini mituon sila sa mga pamaagi nga makadugang sa panginabuhian sama sa barista, massage, hair rebonding, food processing, chicken recipe ug uban pa. Dinhi usab gihatagan sa ilang mga pasidungog ang mga kababaenhan nga mipakita ug talagsaong lihok para sa ilang sektor.

Ubos sa sumbanan (criteria):
1. Registered from DOLE
2 . Aktibo sa tanang kalihukan sa women
3. Nakaalagad sa kumunidad sama sa pananom ug kahoy, feeding, linis dagat, zumba ug uban pa.

Ang migula nga Outstanding Women sa tuig 2023 sila: Ms. Russy Panlaan sa Malanang Zone 2A Women’s Association, Ms. Nelia Tilos sa Kababainhang Nagkakaisa sa Zona (KANAZON) sa Zone 7B Igpit, Ms. Annabelle Limbago sa Mamis Women’s Association of Barangay Patag ug si Ms. Marilyn Vacalares sa Opol Women’s Entrepreneurship Credit Cooperative (OWECCO) of Brgy. Poblacion.

Ang mga kababaenhan gipanguluhan ni Ms. Maribel Ubay-ubay isip Opol Women’s Coordinator, Ang nasangpit nga kalihukan gitambungan usab sa mga ginsakpan sa Sangguniang Bayan sa lungsod nga gipangunahan ni Bise Mayor Danilo Vox Daroy Jr. Niadtong Marso 8, 2023 didto sa Opol Community College.

Danilo Paraguya
Edwin Tabilon