LGU Opol uban ang buhatan sa Municipal Tourism Office mipahigayon ug Consultative Meeting sa mga mga Beach Operators ug sa Coast Guard.

Niadtong Marso Tres ning tuiga gipahigayon ang maong katiguman diha sa Administrator’s Boardroom sa tuyo nga masabtan sa mga Beach Operators ang dugang mga gabayan o balaodnon alang sa hapsay nga seguridad sa mga katawhan nga mobisita ug maglingawlingaw sa kabaybayonan.

Naglangkob niini, Guidelines for Safety and Security Including Qualification and Requirements of Lifeguard for the Promotion of Safety of Life at Sea, pinasubay sa Rule 3 of RA9993 ang Implementing Rules and Regulations ilawom sa Philippines Coast Guard Law. Lakip ang RA 9593 Tourism Act of 2009 nga nahilangkob ang mga gabayan nga mimando sa paghatag kalig-onan sa mga hotels, tourist inns, motels, apartels, resorts, pension houses ug sa tanang accommodation establishments.

Gipaklaro nga katuyuan lamang nga ang circular nagmando sa mga gabayan sa para sa kaluwasan/safety requirement sa kabaybayonan, nahilakip usab dinhi ang sakayan ug naay kaliguan nga pasilidad. Kabahin usab ang pagbaton sa lifeguard aron masiguro ang kaluwasan sa kinabuhi diha sa kadagatan. Ning katiguman gihatagan ang tanan sa kahigayunan nga nga mapadayag ug mga yangongo aron mas mapaklaro ang mga balaod nga gibatbat sa taga Opol Coast Guard Sub. Station nga gipangunahan ni CDR Patrick John S. Cabasag, CGS MisOr, Commander uban sa Tourism Officer Designate Rina Caliza ug Miguel Actub. Gipadayag usab sa batan-ong Mayor Jayfrancis D. Bago ang iyang kahinangop sa gipakitang kaikag sa mga Beach Operators sa kooperasyon aron mapatuman ang nasangpit nga mga lagda.

Mapasigarbuhon ang mayor gumikan sa hataas nga beach strip sa Misamis Oriental nga iyang gihandom nga adunay daghang magpapatigayon nga mobubo sa ilang puhunan para mokusog pa ang pagtuyok sa ekonomiya.

 Lalang Rago
 Andy Garsuta