Training and Orientation for Calibration of Weighing Scale and Verification of Dispensing Pump gisalmutan sa mga kawani sa treasury sa lungsod sa Opol

Gipahigayon ang usa ka adlaw sa nasangpit nga orientation nga gisalmutan sa mga piniling kawani gikan sa treasury nga sila Jean Bacadon, Daisy Mae Abellanosa, Fe Naallatan, Nino Jose Macasarte, Ed Paulo Estrada, Danilo Yana Jr. Jonathan Dablio ug Oliver Baculina.Tuyo ni Mayor Jayfrancis Bago nga mas mahanas pa ang nasangpit nga mga kawani sa ilang gimbuhaton sanglit sila ang natahasan sa pagpaniid o monitor sa mga timbangan sa kamerkaduhan ug sa mga dispensing pump sa fuel station sa lungsod aron mahibaw-an kanunay kon anaa ba kini sa tukmang timbang o sukod, aron usab mapatunhay kanunay ang kaangayan tali sa mga magpapatigayon ug sa mga kunsumidor.

Ang mga dinapit nga mga tigpasabot gikan sa Department of Science and Technology X (DOST X) nga gipangunahan ni Frumencio Quiblat Jr.ang Head sa Regional Standards and Testing Laboratories(RSTL). Sa maong kalihukan gipahigayon usab ang pagsusi sa duha ka gasoline stations ug nasota nga anaa kini sa tukmang sukdanan. Kini hipahigayon niadtong Pebrero 15, 2023 didto’s Opol Local Training Institute, Taboc, Opol, Misamis Oriental.

: Danilo Paraguya