GAWAD PARANGAL TO LOCAL SOCIAL WELFARE AND DEVELOPMENT WORKERS, nakasakmit ang lungsod sa Opol.

Ang Municipal Social Welfare and Development Officer Designate, Malyn L. Sarmiento uban sa Persons With Disabilty (PWD) Focal Person, Chyrel B. Racines sa nasangpit nga lungsod ang midawat sa maong pasidungog. Kini nga kaalihukan ang gimugna sa Probinsya sa Misamis Oriental sa pagpanguna usab sa amahan sa Lalawigan nga si Gobernador Peter “Sr. Pedro” Unabia, isip pag-ila ug paghatag usab ug pahalipay sa mga Local Municipal Social Welfare and Development (LSWDOs) nga nahisakop sa nasangpit nga probinsiya sa ilang mga best practices nga nakahatag alibyo sa atong mga kaigsoonang adunay kabilinggan sa pangisip ug panglawas ( Person With Disability). Ang lungsod sa Opol walay pu-as sa pagpatuman sa mga maayong gimbuhaton sama sa home visitation, giving of assistive devices, rehabilitation class,advocacy for BP344 and RA 7277, livelihood, mobile teaching to hinterland barangays and monthly meetings, nga mao usab ang nabasihan sa maong pasidungog.

Gikalipay usab sa batan-ong mayor sa lungsod Atty. Jayfrancis D. Bago ang maong kalamboan nga nahimong kaabag ang lungsod sa pagpatuman sa mga katilingbanong pagpadangat sa mga serbisyo ug mga programa. Ang nasangpit nga kalihukan gipahigayon niadtong Enero 20, 2023 didto’s Limketkai Luxe Hotel, Cagayan de Oro City.

:Danilo Paraguya