2022 NATIONAL ANTI-DRUG ABUSE COUNCIL PERFORMANCE AWARD

Laing pasidungog na usab ang naangkon ug gidawat sa Lungsod sa Opol pinaagi ni Mayor Jayfrancis Bago. Atol sa gipahigayong 2022 National Anti-Drug Abuse Council (ADAC) Performance Award sa Department of Interior and Local Government (DILG) niadtong Enero 24, 2023 didto sa Chali Beach Resort and Conference Center, Cagayan de Oro City gitambungan usab nila MLGOO Consuelo Barbaso, Police Major Michael Lacasan ang Hepe sa Lungsod, MSWDO OIC Malyn Sarmaiento ug MHO Dra. Emily Grace Banal.

Kini nga pasidungog agig pagrecognisar o pag-ila sa maayong kalampusan nga nakab-ot sa nasangpit nga lungsod sa kampanya sa pakigbatok nga mawagtang sa hingpit ang mga pagpayuhot sa gidili nga droga. Nakakab-ot kini ug 97.5% functionality points sa pagpahigayon sa 2021 ADAC Performance Audit.