Ang Lungsod sa Opol Miduyog sa Pagsaulog sa International Disability Day

Si Chyrel Baculio Racines ang Focal Person sa Person with Disability (PWD) sa Lungsod sa Opol ang nanguna sa pagdumala sa mga kalihukan nga gipahaum niini. Dinhi gipalanog usab ni Mayor Jayfrancis Bago ang mga dinasig nga mensahi ug mipahimang-no sa tanan nga ang mga PWD di angay biay-biayon kay kitang tanan aduna gyoy tagsatagsa ka “apan”. Atol usab niini ang Ravanera, Olegario, Bago, & Naduma (R.O.B.N. Law Office) pinaagi ni Atty. Reese Oguis ang mibatbat mahitungod sa RA 7277 kabahin sa Magna Carta for Disabled Persons, this act provides for the rehabilitation, self-reliance of disabled persons and their integration into the mainstream society. Mipa-ambit usab sa pagpasabot si Atty. Kenneth Kempis ang Administrador sa Lokal nga Pangagamhanan sa Opol mahitungod sa BP 344 – An act to Enhance the Mobility of Disabled Persons by Requiring Certain Buildings Institutions, Establishments and Public Utilities to install facilities and other Devices.

Mikabat sa 200 ka mga katawhan ang misalmot ani na event lakip na si Kag. Roland Alfeche ang Chairman sa Committee on Services diha sa Sangguniang Bayan, lakip usab ang Federation President na si Alen Nadela ug mga Opisyalis sa nasangpit nga kahugpungan diin kini gipahigayon sa Opol Community College Gym niadtong Disyembre 07 ning tuiga, sa Tema: “Transformative Solutions for Inclusive Development: The Role of Innovation in Fueling an Accessible and Equitable World”.

: KuyaLori Dela Cerna