Mayor Jayfrancis Bago midasig sa mga mitambong sa BSP/GSP school Camp 2022.

Mikabat sa usa ka libo ang mitambong sa gipahigayong Boys Scout ug Girls School Camp 2022 lakip na ang Cub Scout niadtong Nobyembre 25 ning tuiga. Ang pagdasig ni Mayor JDB sa tanang mitambong gipahaum ngadto’s tumong sa nasangpit nga grupo ang “A Sustainable World for All” dugang sa Mayor nga kinahanglan magtambayayong ang tanan alang sa kaayuhan sa kumunidad labi na sa kinatibuk-ang Opolanons. Atol niining kalihukan mipasundayag usab ang matag year level nga gisaksihan usab sa mga ginikanan ug magtutudlo sa Opol Central School nga gipangunahan sa Principal niini nga si Mr. Samy Igloria nga gipahigayon diha sa Opol Central School, Poblacion, Opol, Misamis Oriental.

:KuyaLori