ATOM (Association of Tourism Officers of Misamis Oriental) sa Lungsod sa Opol

Usa ka dakong kalampusan ang gipahigayon nga panagtigum sa Association of Tourism Officers (ATOM) kun diin sa unang higayon dinhi sa Lungsod sa Opol nahitabo ang regular meeting ubos sa termino ni Mayor Jay Bago. Gipahigayon kini sa Apple Tree Resort and Hotel niadtong Martes, Nobyembre 22, 2022 sugod sa alas otso sa buntag. Nahisgutan sa maong panagtigum ang ilang Securities and Exchange Commission nga registration, Association of Tourism Officers of the Philippines (ATOP) Pearl Awards Presentation, 10th Kuyamis Festival ug lakip niini ang mga dagkong aktibidades sama sa Street Dancing Competition, Booth Competition ug Miss Kuyamis 2023 ug ang Christmas Party 2022.

Malipayon si Mayor Jay Bago sa paghatag sa iyang Inspirational Message sa maong hugpong. Anaa usab ang presensia ni Atty. Jeffrey Saclot, ang Provincial Tourism Officer sa Misamis Oriental, ATOM President na si Edan Mark Vosotros, ang Municipal Tourism Officer sa Medina, Misamis Oriental nga maoy nangunay sa pagpangulo sa mga hisgutanan. Apil usab ang atong Municipal Tourism Officer designate nga si Ms. Rina Caliza. Dugang sa pakigpulong gisulti ni JDB na “Welcome kaayo ang maong grupo sa pagbisita sa Opol ug magpahigayon sila sa ilang mga aktibidadis. Sa maong adlaw gisuroy ang grupo sa ATOM nga gigiyahan sa atong Municipal Tourism Staff: Mr. Miguel “Nhanick’ Actub, ug ni Miss Opol 2022 si Ms. Kriztine Claire De Guzman didto sa Ostrich & Crocodille Farm. Ni abot usab ang grupo sa pagsuroy didto sa Seven Seas Water Park nga usa ka Tourist Destination nga gipasigarbo sa Lungsod sa Opol.

:KuyaLori & Andy Garsuta

:KuyaLori