Revenue Code sa Lungsod sa Opol Paga-amendahan sa Sangguniang Bayan.

Gitapok ni Bisi Mayor Vox Daroy Jr. ang tanang mga Department Heads sa nasangpit nga lungsod diha’s hawanan sa Sangguniang Bayan niadtong mga nilabayng semana aron-tukion ug maplastar ang pamaagi sa pagrebisar sa Revenue Code kay mahinumduman nga kaniadto pang 2016 ang katapusang pagrebisar niini.

Human sa nasangpit nga katiguman gipahigayon gilayon nila ang laing kalihukan didto’s Amaya View, Indahag Cagayan de Oro City niadtong Nobyembre 10,2022, uban gihapon sa mga ginsakpan sa Sangguniang Bayan ug mga Department Head nga gipangunahan ni Committee Chair on Finance Kag. Danilo Daroy Sr. Didto gipresentar ni Kag. Daroy ngadto kang Mayor Jayfrancis Bago ang proposed Revenue Code nga diin gikalipay usab sa Mayor.

Sa mensahe ni Mayor JDB iyang gipadangat ang pasalamat sa kumpletong attendance sa mga Dept.Heads og ingon man sa pagsuporta ug sa kooperasyon. Ang Revenue sa matag lungsod mao man ang basihan alang sa mga bayrunon, ug ang buhis mao pud ang kinabuhi sa lungsod ug kini ang mopalihok sa pagpatuman sa mga programa ug proyekto sa lungsod.

:Jingjing Daga

:Lalang Rago