Hatid Serbisyo Didto’s Barangay Bagocboc Gidumog Sa Bagang Duot Sa Katawhan

Mikabat sa liboan ka mga katawhan ang nakapahimulos sa Medical Mission nga gipahigayon didtos Covered Court sa Bagocboc Opol, Misamis Oriental niadtong Oktubre 28, 2022 nga gipangunahan ni Mayor Atty JayFrancis Bago. Kini naglangkob sama sa libreng covid vaccination, konsulta, dental flouride og dental kits, tuli, reading glasses ug pag apod apud sa mask ug alcohol.

Mipasalamat usab si Mayor JDB sa mga personahi nga wala magmakuli sa pagtubag sa iyang hangyo sama nila ni Dr. David Mendoza, ang Local Health Division Chief sa DOHCHD-NM. Sharace Brigoli (Nurse 5, Indigenous People Coordinator) ug Siyam ka mga Doctors nga gikan sa Northern Mindanao Medical Center (NMMC). Ang Municipal Healh Officer sa nasangpit nga lungsod Dr. Emily Grace Banal mao usab ang nangulo sa mga staff sa RHU sa lungsod.

Kini nga kalihukan gipahaum usab sa bulan sa Oktubre ang bulan sa pagsaulog sa National Indigenous People Month nga gisalmutan sa mga lumad nasangpit nga barangay ang Tribong Higaonon. Gikalipay ug gipasalamatan sa nasangpit nga mayor ang tanang miabag ug misuporta lakip na si Kapitan Pepe Langala.

:Edwin Tabilon

:Kuya Lori