Linggo Ng Kabataan 2022

Gisilebrar sa kabatan-onan Opolanons ang “Linggo Ng Kabataan” niadtong Agosto 11-13 inubanan sa temang “Intergenerational Solidarity: Creating A World For All Ages”. duyog sa paningkamot sa local nga pangagamhanan ni Mayor Jay Bago, Sangguniang Bayan ubos ni Vice Mayor Vox Daroy, membro sa Municipal Social Welfare and Development Office (MSWDO).

Nagkadaiyang kalihokan ang gisalmotan sa atong mga kabataan sa Opol. Ni-apil ang Sangguniang Kabataan (SK) council sa matag barangay, Local Youth Development Council ug Pag-Asa Youth Association of Opol Chapter, Opol Municipal Sports Office ubos ni Mr. Christopher Salvan, SK Federation President Celestine Rechie Caayupan. Dako usab ang suporta sa atong Tourism Chairman nga si Atty. Kristine Ravanera.

Gipahigayon sa maong silebrasyon ang Thanksgiving Mass, Solidarity Walk, Opening Program ug elimination round sa Larong Lahi sa unang adlaw. Sa ikaduhang adlaw, adunay gipahigayon nga Symposium on Adolescence Sexuality Reproductive Health, Family Drug and Prevention Program, and cross over of the Larong Lahi, mihatag usab sa iyang mensahe si Kagawad Rhally Mae Piit, ang Vice Chairman sa Committee on Youth & Sports Development.

Sa katapusang adlaw gipahigayon ang Blood Letting, Symposium on Disaster Risk Reduction Management, Mental Health Awareness, championship games sa Larong Lahi ug Rave Party. Nagpasalamat ang kabatan-onan Opolanons sa local nga pangagamhanan sa lungsod sa Opol sa dako nga suporta sa maong kalihokan ubos sa pamuno-an ni Mayor Jay Bago.

Malyn L. Sarmiento