Opolanon Mihandom ni Rizal

Disyembre 30, 2021, gisaulog ang anibersaryo sa pagpatay sa patriotikong si Dr. José P. Rizal diin ang LGU nakiisa sa nasudnong paghandum sa ika-125 nga anibersaryo sa pagkamartir niini.

Ubos sa temang “Rizal: Para sa Agham, Katotohonan at Buhay,” espesyal nga nagtapok ang mga Opolanon didto sa Public Plaza sa Brgy. Poblacion ning lungsod diin nahimutang ang monumento ni Rizal aron paghatag ug pasidungog sa iyang mga nabuhat sa natad sa Agham, pagkab-ot sa kamatuoran, ug sa mga kontribusyon niya sa atong kinabuhi.

Sigun sa mensahe ni Municipal Mayor, Hon. Maximino “Max” B. Seno, siya nanghinaot nga ang mga handumanan ni Rizal magpadayon nga buhi sa umaabot pa nga mga henerasyon.

Nahuman ang maong seremonya pinaagi sa paghalad og mga bulak ngadto sa monumento ni Rizal ug kini gisundan sa pagpahigayon sa tinuig nga Health and Wellness Day diin adunay grupo sa medical practitioners inubanan sa Rotary Club of Opol ang mitanyag sa ilang kahanas alang sa kaayohan sa nanginahanglan nga mga Opolanon. #

 Ethel Rae C. Reyes

Hon. Jann Guillmore G. Actub; Hon. Chizarina M. Ortigoza; Opol BFP