AYDAP ug ABYIP Mabungahong Giporma sa Sektor sa Kabatan-onan

Disyembre 21-22, 2021 gipahigayon ang Leadership Enhancement Training and Workshop didto sa Apple Tree Resort and Hotel, Taboc ning lungsod.

Kini gitambongan sa batan-ong mga lider sa Opol gikan sa nagkadaiyang Sangguniang Kabataan (SK) Councils Federation pinangulohan ni Federation President, Hon. Celestine Richie C. Caayupan kauban ang Opol Local Youth Development Council (LYDC) ug Pag-asa Youth Association of the Philippines, Inc. (PYAP) Opol Chapter.

Highlight sa maong takna ang gihimong pagpanday sa Annual Youth Development Action Plan (AYDAP) alang sa Calendar Year (CY) 2022 nga usa ka organisasyonal nga plano nga nagtumong sa pagtubag sa capability building concerns ug uban pang mga plano, programa, ug kalihokan.

Giporma usab ang Annual Barangay Youth Investment Program (ABYIP) nga usa ka tinuig nga programa base sa Comprehensive Barangay Youth Development Plan (CBYDP). Kini naglangkob sa partikular nga mga plano, programa, ug kalihokan lakip na ang gikinahanglan nga mga galastuhon ug pondo. #

 Dedith G. Mabao