Mga biktima ni Typhoon Odette Midawat og Ayuda

Niadtong Disyembre 14-15, 2021 didto sa Brgy. Taboc Gymnasium, midawat sa tig Php 3,000.00 nga cash assistance inubanan sa food packs ug sleeping kits ang 1,658 ka mga pamilya nga apektado sa bagyong Odette gikan sa kabarangayan sa Barra, Igpit, Malanang, ug Taboc.

Ang maong programa gipondohan ubos sa Office of Senator Christopher Lawrence “Bong” T. Go (OSBG) og pinaagi sa Department of Social Welfare and Development (DSWD) – X, kini gitunol ngadto na sa atong lungsod sa pagpanguna ni Municipal Mayor, Hon. Maximino “Max” B. Seno.

Gawas niana, adunay gipahigayon nga raffle diin adunay mountain bikes, sapatos, ug android tablets ang gipang apod-apod niadtong tungora.

Mapasalamaton og dako si Mayor Seno ngadto sa mga ahensya nga mipaambit usab sa ilang pag-abag nga giapilan sa DSWD- 10 nga girepresentahan ni Mr. Edgar G. Requilme; Department of Trade and Industry (DTI) Associate Secretary Reveree Niño C. Contreras; Technical Education and Skills Development Authority (TESDA) nga girepresentahan ni Jouie C. Tabilin; Department of Agriculture (DA) nga girepresentahan ni Ms. Marlene B. Naluan; Department of Labor and Employment (DOLE) Provincial Director Emmanuel G. Toledo; Philippine Amusement and Gaming Corporation (PAGCOR) nga girepresentahan ni Ms. Elsa Sartorio; Philippine Charity Sweepstakes Office (PCSO) nga girepresentahan ni Ms. Carrie-Ann J. Espina; National Housing Authority (NHA) nga girepresentahan ni Engr. Fe P. Ancheta; ug sa OSBG nga girepresentahan nila ni Mr. Mike Salarde ug Ms. Ellen Fernandez.

Nagpasalamat usab siya sa Municipal SWD Office (MSWDO) pinamunoan ni Ms. Marlina A. Alo sa ilang pagpaningkamot. #

Dedith G. Mabao