Kabarangayan sa Opol Giila sa Joint Awarding Ceremony sa SGLGB ug LTIA

Disyembre 14, 2021 didto sa Opol Central School, Poblacion ning lungsod, giila ang pipila ka mga barangay sa lungsod sa Opol nga top awardees sa Seal of Good Local Governance Barangay (SGLGB) ug sa Lupong Tagapamaya Incentives Awards (LTIA).

Kini nagtumong sa pag-ila ug paghatag og mga insentibo sa mga lokal nga panggamhanan nga nagpakita sa maayo ug dalaygon nga mga kontribusyon sa ilang nagkadaiyang lugar.

Alang sa SGLGB, ania ang kabarangayan nga gipasidunggan:

1st Place with Php 30,000.00 incentive: Barangay Luyong Bonbon

2^ND Place with Php 20,000.00 incentive: Barangay Igpit

3^rd Place with Php 15,000.00 incentive: Barangay Bagocboc

Sa laing bahin, ania ang kabarangayan nga gipasidunggan sa LTIA:

1^st Place with Php 10,000.00 incentive: Barangay Bagocboc

2^nd Place with Php 8,000.00 incentive: Barangay Luyong Bonbon

3^rd Place with Php 6,000.00 incentive: Barangay Barra

Gikalipay kini sa Mayor sa Lungsod, Hon. Maximino “Max” B. Seno, tungod kay nagpamatuod lamang kini nga naghatag og epektibo ug episyente nga mga batakang serbisyo ang atong kabarangayan. Sa ingon man, gidasig sa Mayor ang mga opisyal nga ipadayon ang maayong pagdumala sa ilang ginsakopan alang sa padayon nga pag abante sa ilang barangay.

Ang maong kalihokan naka-angkla sa programa sa Department of the Interior and Local Government Region (DILG)-10 sa pagpanguna ni Regional Director Arnel M. Agabe, CESO III ug DILG – Misamis Oriental Provincial Director, Engr. Marisia C. Naybe, CESE. #

 MLGOO Marlene M. Pahunang