LGU- PESO Gipasidunggan sa DOLE -X

Gidawat sa LGU Opol pinaagi sa Public Employment Service Office (PESO) ang mga pasidungog gikan sa Department of Labor and Employment (DOLE) X – Misamis Oriental Provincial Field Office atol sa gipahigayon nga Yearend Performance Assessment and Planning for Calendar Year (CY) 2022 niadtong Disyembre 13, 2021 didto sa Duka Bay Resort, Medina, Misamis Oriental.

Agi og pag-ila sa maayo ug sulondan nga mga kontribusyon sa pagkab-ot sa mga tinguha sa probinsiya ug sa malampusong pagpatuman sa mga programa ug proyekto sa DOLE, ang Opol-PESO giila isip Best Child Labor Program Implementer ug Best in DILP Implementation.

Gidawat usab sa LGU-Opol ang usa ka Certificate of Recognition alang sa bililhon ug padayon nga suporta niini sa maong ahensya sulod sa CY 2021 pinangunahan na sa maabtik nga amahan sa lungsod, Hon. Mayor Maximino “Max” B. Seno. #

 Odette P. Galangke