TUPAD Orientation Nagmauswagon

Ang lokal nga panggamhanan pinangunahan ni Municipal Mayor, Hon. Maximino “Max” B. Seno, pinaagi sa Public Employment Service Office (PESO), mipahigayon og oryentasyon sa Tulong Panghanapbuhay sa Ating Disadvantaged/Displaced Workers (TUPAD) niadtong Disyembre 10, 2021 didto sa Brgy. Patag ning lungsod.

Ang maong programa sa Department of Labor and Employment (DOLE) gipaagi sa opisina ni Congresswoman, Hon. Juliette T. Uy nga kasamtangang District Representative sa Misamis Oriental, 2nd District. Kauban si PESO Manager-Designate/ Community Training and Employment Coordinator (CTEC) nga si Ms. Odette P. Galangke, 100 ka unemployed/ self-employed nga displaced workers sa Brgy. Patag ang mipailalum sa maong oryentasyon.

Mapasalamaton og dako si Mayor Seno ngadto nila ni DOLE-X Regional Director Albert E. Gutib ug DOLE-X Misamis Oriental Provincial Field Office Chief Jose Errol A. Natividad alang sa ilang walay puas nga suporta.

Dako usab ang kalipay ni Punong Barangay (PB), Hon. Hermito B. Laid, Jr. tungod kay dugang kini nga ayuda alang sa mga lumolupyo nga labing naapektuhan sa nagpadayong pandemya. #

 Ethel Rae C. Reyes

  Opol PESO