Project Angel Tree Mihatag Paglaom ning Kapaskohan

Ang Lokal nga Panggamhanan sa Lungsod sa Opol pinaagi sa Public Employment Service Office (PESO) nagpahigayon sa Project Angel Tree Program niadtong Disyembre 10, 2021 didto sa Brgy. Patag.

Inubanan sa sponsors kun angels nga mao ang Golden Friendship Eagles Club (GFEC) ug ang Golden Friendship Lady Eagles Club (GFLEC), 45 ka mga ginikanan ang midawat og bugas samtang 71 ka mga bata ang nakabenepisyo sa feeding program.

Gipaabot ni Municipal Mayor, Hon. Maximino “Max” B. Seno ang iyang pasalamat ngadto nila ni

GFEC President, Mr. Jesus Ritchie Salloman; Vice President for Mindanao, Mr. Benjamin G. Rada; National President, Mr. Roberto R. Seelin; ug GFLEC President, Ms. Suzanne Pimentel Rada alang sa ilang pakigtambayayong aron mapauswag ang kahimtang sa atong mga lumolupyo.

Gidayeg usab niya ang tibuok konseho sa maong dapit pinamunoan ni Punong Barangay (PB) Hermito B. Laid, Jr. ug usab ang mga magtutudlo sa Patag Elementary School nga mitabang aron magmalampuson ang maong kalihokan. #

Odette P. Galangke

Hon. Jann Guillmore G. Actub