Katarungang Pambarangay Mipailalom sa Refresher Training

Ang mga miyembro sa Lupong Tagapamayapa nga gilangkuban sa mga opisyal sa barangay ug mga lider sa komunidad sa lungsod sa Opol mibansay sa Katarungang Pambarangay (KP) Law niadtong Disyembre 7, 2021 didto sa Prawn House Seafood Restaurant ning lungsod.

Ang maong 1-day Refresher Training gipasiugdahan sa Department of the Interior and Local Government (DILG) pinaagi ni Municipal Local Government Operations Officer (MLGOO) sa DILG Opol nga mao si Ms. Marlene M. Pahunang.

Lakip sa nahisgotan ang detalyadong diskusyon sa pagpatuman sa mga lagda, regulasyon, ug mga pamaagi sa KP. Gipahinumdoman usab ang mga partisipante sa partikular nga mga porma sa matag aksyon nga pagahimuon sa Lupon.

Nahibal-an usab sa mga partisipante ang bahin sa ilang mga gahum, katungdanan, gimbuhaton, ug awtoridad isip mga miyembro sa Lupong Tapamayapa.

Maoy dinapig nga mga mamumulong sila si retired DILG Iligan City Director Foster N. Anayron ug si Police Major (P/MAJ) Michael Salvador R. Lacasan, Officer-in-charge (OIC) sa Municipal Police Station (MPS). #

 PCpl. Kathy Jane P Ejano