Mayor Seno Midawat sa Shelter and Urban Development Award

Mapasalamatong gidawat sa amahan sa Munisipyo sa Opol, Hon. Maximino “Max” B. Seno, ang

Shelter and Urban Development Award niadtong Oktubre 29, 2021 nga gipresentar sa Department of Human Settlements and Urban Development (DSHUD) subay sa pagsaulog sa Shelter and Urban Development Month.

Gibuhat ang maong pag-ila agi og paghatag bili sa mga buhat ug paningkamot sa lokal nga kagamhanan nga ma-update ug maaprobahan ang Disaster Risk Reduction and Climate Change Adaptation, Comprehensive Land Use Plan, ug Local Shelter Plan niini.

Sa iyang mensahe, mapainubsanong gipasidunggan sa Mayor nga ang maong kalampusan garbo ug kalipay sa tibuok administrasyon inubanan sa madasigon nga mga kawani sa LGU-Opol.

Giila usab ni Mayor Seno ang stakeholders sa komunidad alang sa ilang aktibong partisipasyon ug padayon nga suporta sa lain-laing mga paningkamot sa LGU. Gidayeg usab niya ang 14 ka mga barangay nga kanunay mi-abag alang sa kalamboan sa munisipyo.

Dako ang pagsalig sa Mayor nga magpadayon ang mga paningkamot aron mahatagan ug kalidad nga serbisyo ang mga Opolanon. Siya midugang nga ang lungsod magpadayon sa pag abante isip usa ka buhi ug malungtaron nga commercial-industrial hub ug eco-tourism nga destinasyon sa Probinsya sa Misamis Oriental. #

 Ailel Rose S. Asequia

Department of Human Settlements