Kapulisan Mitunol og Ayuda sa mga Pamilya

Ang Opol Municipal Police Station (MPS) ubos sa pagdumala ni Police Major (P/MAJ) Michael Salvador R. Lacasan, Officer-in-charge (OIC), misuporta sa “Kapwa Ko, Sagot Ko!” Adopt a Family Program sa Philippine National Police (PNP).

Kini usa ka inisyatibo aron sa pag-abag sa Social Amelioration Program sa gobyerno diin katuyoan niini nga masuportahan ang mga pamilya nga labaw nga nanginahanglan diri sa atong lungsod ilabi na karon sa panahon sa pandemya.

Sa lokal nga lebel, ang Opol-PNP mi-abag sa pipila ka mga pamilya ning lungsod pinaagi sa paghatag kanila sa mga pagkaon ug grocery items.

Gikan sa Septembre hangtud Oktubre 25, 2021, adunay 147 ka family members gikan sa Sitio Gusa, Brgy. Patag; Brgy. Igpit; Brgy. Luyong Bonbon; ug Brgy. Taboc ang natabangan pinaagi sa Higalang Pulis Rolling Stall.

Si Municipal Mayor, Hon. Maximino “Max” B. Seno nagpasalamat sa pagpadayon sa maong gawi sa atong kapulisan sa Opol nga nagpakita sa ilang gugma alang sa nasud ug pagkamahinatagon sa mga Opolanon. #

 PCpl. Kathy Jane P Ejano