Pagpalig-on sa Konserbasyon sa Bakhaw Gipahigayon

Ang Municipal Environment and Natural Resources Office (MENRO) pinamunoan ni Engr. Randolph Q. Hallasgo mibuhat sa mga kalihokan sa pagpanalipod ug pagkonserba sa kinaiyahan.

Niadtong Septembre 26, 2021 kauban ang Sangguniang Kabataan (SK) Council sa Brgy. Barra ug ang Barra Youth Organization, 100 ka mga punla sa bakhaw nga natanom didto sa mangrove area sa maong barangay.

Samtang niadtong Oktubre 16, gibisita sa Strellas Labor Service Cooperative ug sa Philippine National Police (PNP) Regional Civil Security Unit – 10 ang Marine Sanctuary Area sa Brgy. Luyong Bonbon diin sila mipahigayon og mangrove planting ug cleanup drive activity.

Si Municipal Mayor, Hon. Maximino B. Seno miingon nga mahinungdanon gayod ang pagdumala niini nga kalihokan tungod kay importante usab nga ma-ampingan ug mapalambo pa ang bakhawan sa Opol tungod kay nagsilbi kini nga natural barrier kun babag batok sa mga bagyo ug pagbaha nga mamahimong makaguba sa atong mga komunidad sa baybayon. #

 Ethel Rae C. Reyes

Opol MENRO