Brgy. Bagocboc Giila sa LTIA Awarding Ceremony

Giila isip Regional Finalist alang sa 1^st – 3^rd Class Municipalities Category ang Brgy. Bagocboc, Opol, Misamis Oriental sa gipahigayon nga 2021 Lupong Tagapamaya Incentives Awards (LTIA) Regional Awarding Ceremony niadtong Oktubre 8, 2021 pinaagi sa Zoom Video Conference.

Kini gidumala sa Department of the Interior and Local Government Region (DILG)-10 sa pagpanguna ni Regional Director Arnel M. Agabe, Career Executive Service Officer (CESO) III, aron sa pag-ila ug paghatag og mga insentibo sa mga Lupon nga nagpakita sa maayo ug dalaygon nga mga kontribusyon sa pagpasiugda sa Katarungang Pambarangay.

Ang nasangpit nga seremonya gitambongan sa konseho sa maong barangay pinangunahan ni Punong Barangay (PB), Hon. Pepe D. Langala inubanan sa Lupong Tagapamaya sa barangay. Anaa usab ang maabtik ug matinabangon nga Municipal Local Government Operations Officer (MLGOO) sa DILG Opol nga mao si Ms. Marlene M. Pahunang.

Si Municipal Mayor, Hon. Maximino “Max” B. Seno mipadangat sa iyang pagsaludo sa mga paningkamot nga gihimo sa Lupon aron nga mapauswag pa ang kahapsay ug kalamboan sa kabarangayan. #

 MLGOO Marlene M. Pahunang

Quinee Payla Cabucayan