Pantawid Liwanag Gitunol Ngadto sa PWDs

Septembre 15, 2021 didto sa Opol Central School, gidawat sa 40 ka persons with disabilities (PWDs) ang tabang pinansyal gikan sa Misamis Oriental-1 Rural Electric Service Cooperative, Inc. (MORESCO-1).

Ang maong Pantawid Liwanag usa ka corporate social responsibility nga programa nga gipangunahan sa Philippine Rural Electric Cooperatives Association, Inc. (PHILRECA) ug usa sa mga paningkamot sa gobyerno sa pagsumpo sa epekto sa pandemya ngadto na sa labing kabus nga mga membro-konsumante.

Inubanan ni Municipal Administrator. Ms. Alona M. Guigayoma ug sa Municipal Social Welfare and Development Office (MSWDO) pinaagi ni PWD Focal Person, Ms. Arcelie C. Yasay, gidawat sa lokal nga panggamhanan ang Certificate of Appreciation alang sa aktibong kolaborasyon diha sa pagpagaan sa palas-anon ug pag-antos sa mga Opolanon.

Gipaabot ni Municipal Mayor, Hon. Maximino “Max” B. Seno ang iyang pasalamat sa tibuok MORESCO-1 ilabi na ni Opol Service Area Manager, Engr. Marlon P. Guinita ug ni Opol Community Development Officer (CDO), Mr. Bonnie Ray S. Actub, sa padayon nga pakigtambayayong sa LGU diha sa paghatag bili sa sektor sa Differently-Abled Persons (DAP). #

 Janice B. Baslot