Opol-MNAO Gipasidunggan

Agosto 20, 2021 gidawat ni Municipal Administrator, Ms. Alona M. Guigayoma ang mga premyo ug plake gikan sa Province of Misamis Oriental pinaagi sa Provincial Nutrition Committee.

Kini alayon sa nahitabong selebrasyon sa 47^th Nutrition Month niadtong Hulyo ning tuig diin ang Opol midawat sa ganting Php 10,000.00 isip consolation prize sa pagsalmot sa Nutri-Jingle Video Contest.  Usa ka Certificate of Appreciation usab ang gidawat sa Municipal Nutrition Action Officer (MNAO) sa Opol alang sa mga paningkamot sa pagpakunhod sa pagkaylap sa stunting kun dili husto nga pagtubo sa preschool nga mga bata nga nag edad og 0-59 ka bulan, pinaagi sa episyente ug epektibo nga pagdumala sa mga programa sa nutrisyon gikan sa 2018-2020.

Ang amahan sa lungsod, Municipal Mayor, Hon. Maximino “Max” B. Seno mipadangat sa iyang pasalamat ngadto ni Provincial NAO, Ms. Marites A. Gomez, sa iyang walay puas nga pagsuporta sa mga kalihokan sa Opol. Saludo usab siya sa Municipal Heath Office (MHO) sa pagpanguna ni Dr. Emily Grace G. Banal, sa mga miyembro sa Municipal Nutrition Committee ug sa tanang Barangay Nutrition Scholars sa ilang hiniusang kooperasyon labaw na ning panahon sa pandemya. #

 Elensita V. Piit