Turnover of Command Ceremony sa Kapulisan Nagmalampuson

Pormal nga gipahigayon niadtong Hulyo 7, 2021 sa Legislative Activity Hall ang Turnover of Command sa Opol Municipal Police Station (MPS) tali ni Police Major (P/MAJ) Ian G. Borinaga nga outgoing Chief of Police (COP) ug ni P/MAJ Michael Salvador R. Lacasan nga maoy incoming Officer-in-charge (OIC).

Kini gipangulohan nila ni Police Lieutenant Colonel (PLTCOL) Al M. Abanales, Deputy Provincial Director for Administration ug PLTCOL Brian T. Inojaldo, Chief, Provincial Administrative and Records Management Unit (PARMU) ubos sa pagdumala ni Provincial Director, Police Colonel (P/COL) Raniel M. Valones.

Human sa pagbasa sa implementation orders sa relief ug reassignment sa outgoing COP ug sa incoming OIC, gipirmahan ni P/MAJ Borinaga ang iyang relinquishment order. Gisundan kini sa seremonyal nga pag-turnover sa office symbol ug sa property book sa maong estasyon. Misunod dayon ang pagpirma ni P/MAJ Lacasan sa iyang assumption order nga gisaksihan ni Municipal Mayor, Hon. Maximino “Max” B Seno ug ni Municipal Local Government Operations Officer (MLGOO), Ms. Marlene Pahunang sa Department of the Interior and Local Government (DILG) Opol.

Misalmot usab sa maong kalihokan sila si Sangguniang Bayan (SB) Members, Hon. Jann Guillmore “Janboy” G. Actub ug Hon. Eliezer “Kap Junjun” A. Vacalares, Jr. nga mipaabot sa ilang pagsaludo ug maayong mga mensahe alang sa kapulisan. #

 PCpl. Kathy Jane P Ejano

Hon. Eliezer “Kap Junjun” A. Vacalares, Jr.