OCC Gipasidunggan sa Gawad Parangal

Atol sa gipahigayon nga Gawad Parangal sa Local Universities and Colleges (LUCs) niadtong Mayo 27, 2021 sa El Salvador City, pormal nga gipasidunggan ang Opol Community College (OCC) isip usa ka CHED-Recognized Higher Education Institution.                                Ang maong pasidungog maoy sumbanan sa usa ka lokal nga tulunghaan aron makapahimulos sa mga benepisyo sa Republic Act (R.A) No. 10931 (Universal Access to Quality Tertiary Education Act) nga naghatag og libreng edukasyon sa kolehiyo.

Malipayon nga gidawat ni Municipal Mayor, Hon. Maximino “Max” B. Seno, Board of Trustees (BOT) Chairman, kauban sila Dr. Dolorita N. Arao, OIC President ug Ms. Bllazabeth Francee B. Labrador, Tertiary Education Subsidy (TES) grantee, gikan kang Commission on Higher Education (CHED) Commissioner J. Prospero E. de Vera III ang tropeyo ug ang sertipiko.

Mitambong usab sa nahisgutang okasyon si Unified Student Financial Assistance System for Tertiary Education (UniFAST) OIC- Executive Director, Atty. Ryan L. Estevez ug si CHEDRO 10 Regional Director, Dr. Raul C. Alvarez, Jr., Career Executive Service Officer (CESO) III.

Sa kasamtangan, 1,658 ka mga estudyanteng OCCians ang nakabenepisyo sa libreng higher education samtang 520 ang nakadawat og dugang tabang pinansyal pinaagi sa TES ug sa Tulong Dunong Program (TDP-TES). #

 Dr. Dolorita N. Arao

Bllazabeth Francee B. Labrador