59 households Migradwar Gikan sa 4Ps

Adunay 59 ka mga pamilyang Opolanon ang migradwar isip mga benepisyaryo sa Pantawid Pamilyang Pilipino Program (4Ps).

Gipangunahan sa Panggamhanan sa Lungsod sa Opol pinangulohan ni Municipal Mayor, Hon. Maximino “Max” B. Seno inubanan sa Municipal Social Welfare and Development Office (MSWDO) pinamunoan ni MSWDO Marlina A. Alo, ang seremonya sa pagtapos niadtong Mayo 25, 2021 didto silong sa Legislative Building.

Aduna usab gitunol nga sertipikasyon ug food packs isip pahinungod sa LGU ngadto sa mga mihuman sa maong programa sa gobyerno.

Sa maong takna, gipahibalo usab nga ang maong graduation nagpasabot nga ang usa ka recipient- household anaa sa transisyon diin kini mahimong mawagtang sa kategorya nga non-poor ug maklasipikar na isip self-sufficient base na usab sa social welfare and development indicator (SWDI) assessment.

Kahinumdoman nga gisugdan niadtong 2008 sa nasyonal nga panggamhanan pinaagi sa Department of Social Welfare and Development (DSWD) ang pagpatuman sa 4Ps nga maoy nag-unang programa alang sa paghupay sa kakubus sa nasud. #

Dedith G. Mabao