BARANGAYanihan Rolling Stall Gipasiugdahan sa Kapulisan
Ang mga personahe sa Opol Municipal Police Station (MPS) ubos sa pagdumala ni Police Major (PMAJ) Ian G. Borinaga nagbutang og community pantry didto sa Brgy. Bonbon ning lungsod niadtong Abril 27, 2021.
Ang nasangpit nga inisyatibo sa Philippine National Police (PNP) inspirasyon gumikan sa community pantries nga miusbong sa kaulohan diin kini nagtumong nga matabangan ang nanginahanglan nga populasyon sa lungsod.
Adunay usa ka gatus nga Opolanon ang nakabenepisyo sa maong kalihokan diin sila midawat og sinina ug pagkaon sama sa mga utanon, prutas, noodles, ug uban pa. Dako ang pasalamat sa Opol-PNP ngadto sa JJA Nobles Group, Inc. ug sa GFB Petron Service Center nga maoy manggihatagon nga donors.
Saludo ang amahan sa lungsod nga si Municipal Mayor, Hon. Maximino “Max” B. Seno ngadto sa kapulisan sa Opol tungod sa ilang pagpadangat sa tinuoray nga diwa sa bayanihan ngadto sa mga lumolupyo nga labaw nga apektado sa krisis nga dala sa pandemya.
“Akong gidayeg ang mga paningkamot sa atong mga pulis sa hugot nga pagpatuman sa minimum public health and safety standards and protocols aron sa paglikay sa Coronavirus disease (COVID-19) samtang naghatag serbisyo sa komunidad,” dugang sa Mayor. #
✍📷 PCpl. Kathy Jane P Ejano
📷 Opol PNP; Opol MCAD
NOTICE OF SEARCH AND CALL FOR APPLICATIONS FOR PRESIDENCY OF OPOL COMMUNITY COLLEGE
THE BOARD OF TRUSTEES OF OPOL COMMUNITY COLLEGE (OCC)UNDER BOARD OF TRUSTEES RESOLUTION NO. 2024-07-04, s. 2024FORMALLY…
DUGANG LAIN PASIDUNGOG PARA SA LUNGSOD
Ang Department of Interior & Local Government inubanan sa Provincial Capitol of Misamis Oriental mitunol sa pasidungog…