Abag sa Panginabuhian Gidawat sa Opolanon

Usa ka payout alang sa Livelihood Assistance Grants (LAG) ang gitunol ngadto sa 127 ka mga benepisyaryong Opolanon niadtong Abril 6 ug 12, 2021 didto sa Legislative Hall sa balay-lungsod sa Opol.

Sa maong takna, midawat ang matag usa og Php 10,000.00 isip dugang puhonan sa ilang mga negosyo. Sa kinatibuk-an, miabot sa Php 1,270,000.00 ang nahatag ngadto sa impormal nga sektor sa atong lungsod nga maoy nasuta nga labing naapektuhan sa nagpadayong pandemya.

Gipaabot sa pamunuon ni Municipal Mayor, Hon. Maximino “Max” B. Seno ang dakong pasalamat ngadto sa Department of Social Welfare and Development (DSWD) – X; kanhi bise-gobernador sa lalawigan, Joey G. Pelaez; ug District Representative sa Segundo Distrito sa Misamis Oriental, Hon. Juliette T. Uy, alang sa kanunay nga pagserbisyo sa Opolanon ug sa hugot nga pagsuporta sa panggamhanan. #

✍📷 Dedith G. Mabao

📷 Opol MSWDO; Hon. Juliette T. Uy