Lungsod sa Opol Miduyog sa Earth Day

Alayon sa ika- 51^st nga kasaulogan sa Earth Day, nagkadaiyang kalihokan nga adunay kalabotan sa temang “Restore Our Earth” ang gipahigayon sa Lokal nga Pangagamhanan pinamunoan ni Municipal Mayor, Hon. Maximino “Max” B. Seno.

Pinaagi sa Municipal Environment and Natural Resources Office (MENRO), nagkadaiyang kalihokan ang gipahigayon inubanan sa Environmental Management Seminars nga mipunting sa Solid Waste Management, Air Quality Management, ug ang Water Quality Management.

Marso 30, 2021 – didto sa Brgy. Patag kauban ang tibuok Konseho sa maong barangay pinangulohan ni Punong Barangay, Hon. Hermito B. Laid, Jr. ug sa Sangguniang Kabataan (SK) pinangunahan usab ni SK Chairperson, Hon. Lara Gesille J. Madroñal – Vallejos.

Abril 13, 2021 – kauban ang Opol Women’s Federation pinangunahan sa ilang presidente, Ms. Editha Z. Pitogo, nga gisangkapan sa kahibalo mahitungod sa lainlaing mga paagi sa pagdumala sa Solid Waste, Air Quality, ug Water Quality diha sa panimalay nga lebel.

Abril 22, 2021 – didto sa Brgy. Bonbon kauban ang tibuok Konseho sa maong barangay pinangulohan ni Punong Barangay, Hon. Welmer M. Actub, ug kaabag si Brgy. Kagawad, Hon. Virgenita R. Dunque nga Chairperson on Environment, ug ang mga sektor sa kababayen-an ug kabatan-onan.

– kauban ang grupo sa StreetBy App riders nga mipahigayon sa usa ka clean-up drive operation sa kabaybayonan sa lungsod diin adunay 19 ka black bags sa gi-lainlain nga mga basura ang nakolekta.

Abril 24, 2021 – didto sa San Pedro Beach, Brgy. Taboc kauban ang sektor sa kabatan-onan pinangunahan sa Opol Local Youth Development Council (LYDC) inubanan sa paggiya sa Municipal Social Welfare and Development Office (MSWDO) nga mipasiugda og linis-dagat.

Abril 30, 2021 – didto sa kabaybayonan sa Brgy. Taboc kauban ang mga benepisyaryo sa Special Program for Employment of Students (SPES) inubanan sa paggiya sa Public Employment Service Office (PESO) nga mipasiugda og clean-up drive operation diin adunay 7 ka black bags sa gi-lainlain nga mga basura ang nakolekta.

Mapasalamaton si Mayor Seno ngadto sa tanang mga hingtungdan nga milambigit sa maong kalihokan ug pagpakabana sa kaayuhan sa atoang kinaiyahan. #

✍📷 Amy A. Legaspi ug Dedith G. Mabao

📷 Opol MENRO; Opol MSWDO; Opol LYDC; Opol PESO