Kasaulogan sa Philippine Water Week Nagmabungahon

Ingon nga ang tubig limitado, gihatagan og gibug-aton ang kamahinungdanon niini isip nag-unang panginahanglanon sa tanan nga binuhat.

Subay sa selebrasyon sa Philippine Water Week, nagkadaiyang mga kalihokan ang gipahigayon sa panggamhanan sa koordinasyon na usab sa ubang mga ahensya ug kahugpongan sa katilingban nga nagpakita sa hustong pagdumala, pagdaginot, pagprotektar, ug paghatag bili sa tubig.

Marso 6 – gipahigayon ang mangrove planting didto sa marine and mangrove sanctuary, Brgy. Luyong Bonbon ug ang Operation Plan (OPLAN) Sigpaw Basura didto sa baybayon, Brgy. Taboc kauban ang 1001^st Philippine Coast Guard (PCG) Auxiliary Squadron (Cagayan de Oro, Misamis Oriental, and Bukidnon Chapter) nga gipangulohan ni Director Commodore Rey Peter B. Gille; PCG Misamis Oriental Captain Annuar G. Inadal; Officer-In-Charge (OIC), Community Relations sa Coast Guard District Northern Mindanao (CGDNM) nga si Ensign Jherich An John C. Ybañez; ug ang Community-based Coast Guard Auxiliary Division sa pagpanguna ni Capt. Arthur Mencius B. Quiblat

Duolan 100 ka mangrove seedlings ang natanom diin kini gilauman nga mamahimong puluy-anan sa mga mananap didto sa maong sangtuwaryo. Samtang sa OPLAN Sigpaw Basura, 4 ka sako sa naglutaw nga mga basura ang nakolekta.

Mapasalamaton si Municipal Mayor, Hon. Maximino “Max” B. Seno sa  Municipal Environment and Natural Resources Office (MENRO),  Municipal Agriculture Office (MAO), ug sa Luyong Bonbon Fishermen Organization pinangulohan sa ilang president, Mr. Noel Opena sa ilang padayon nga pagpakabana ug pagtabang nga mapamaayo ang kalidad sa katubigan sa Opol

Marso 12, 2021 – kapin kun kulang 30 ka giant bamboo seedlings ang gitanom kilid sa Bungcalalan River sa Zone 6, Brgy. Igpit kauban ang Provincial Environment and Natural Resources Office (PENRO) sa Misamis Oriental pinamunoan ni Engineer Presco Valmoria ug sa tibuok Konseho sa Brgy. Igpit pinangulohan ni Punong Barangay (PB), Hon. Eliezer A. Vacalares, Jr.

Marso 18, 2021 – isip pagsuporta sa Recognizing Individuals/Institutions Towards Vibrant and Enhanced Rivers (R.I.V.E.Rs), gipahigayon ang clean-up drive subay sa Iponan river kauban ang

Department of Environment and Natural Resources (DENR) – 10 Community Environment and Natural Resources Office (CENRO) Initao nga gipangulohan ni OIC Conrado Martinez Mahinay, Jr. pinaagi ni Mr. Ronelo Abad, ug sa tibuok Konseho sa Brgy. Barra pinangulohan ni PB, Hon. Clementino Q. Otacan, Jr. #

✍📷 Amy A. Legaspi

📷 Opol MENRO