Basic Vegetable Production Technology Training Nagmalampuson

Ang Lokal nga Pangagamhan sa Lungsod sa Opol nagpahigayon og pag bansay-bansay kabahin sa teknolohiya sa pagpananum sa utanon niadtong Pebrero 23-25, 2021 didto sa Igpit Gym ning lungsod.

Ang maong kalihokan nga gipangunahan sa Municipal Agriculture Office (MAO) sa pagpangulo ni Mr. Eddie C. Maape, Jr., Municipal Agriculturist-Designate, gitambungan sa zone leaders ug sa mga miyembro sa matag sona sa naingong barangay.

Gipanghingusgan karon sa pangagamhanan ang programa sa urban gardening inubanan sa suporta sa Sangguniang Bayan (SB) nga gipaluyohan ni SB Member ug Committee Chairperson on Agriculture, Hon. Glee A. Jacalan.

Kini aron masiguro ang luwas nga supply sa pagkaon sa matag panimalay sa Opol taliwala sa nasinati nga pandemya. Kini gilantaw usab nga mamahimong dugang paninguhaan ug makatabang sa Opolanon ilabi na niadtong nawad-an sa trabaho.

Mapanghinauton si Municipal Mayor, Hon. Maximino “Max” B. Seno nga pinaagi sa maong programa, mamahimong igo sa pagkaon ang matag-usa. #

– Mailyn C. Quiblat