Pre-Valentine’s Day 2021 Gisaulog

February 13, 2021|Events

Gipangunahan sa kabatan-onang Opolanon ang selebrasyon sa Valentine’s Day niadtong Pebrero 11-13, 2021 diin nagkadaiyang kalihokan ang gipahigayon ubos sa temang “Pandemic brought suffering, but love is everything.”

Sa koordinasyon sa Municipal Environment and Natural Resources Office (MENRO) pinangunahan ni MENR Officer, Engr. Randolph Q. Hallasgo, 200 ka kahoy ang natanom sa gibuhat nga tree planting didto sa Makaluesa Reforestation Area, Sitio Camingawan, Patag ning lungsod kauban si Sangguniang Bayan (SB) Member, Hon, Jann Guillmore G. Actub ug si Association of Barangay Captains (ABC) President, Hon, Eliezer A. Vacalares, Jr.

Aduna usab mga indigay sama sa Slogan Making, Love Confessions, Declamation, ug Acoustic Singing nga gi-organisar ang Local Youth Development Council (LYDC) sa kooperasyon sa Sangguniang Kabataan (SK) Councils ug sa kinatibuk-ang SK Federation pinangulohan ni Federation President, Hon. Celestine Richie C. Caayupan.

Usa ka symposium mahitungod sa mga isyu nga adunay kalabotan sa mga batan-on ang gisalmotan usab sa kabatan-onang Opolanon kauban ang mga personahe sa Opol MPS kauban si Police Corporal (PCpl.) Kathy Jane P. Ejano nga mihisgot mahitungod sa anti-drug abuse.

Anaa usab si Police Staff Sergeant (PSSg) Catherine C. Hibaya nga mipaambit mahitungod sa Republic Act (RA) No. 7610 (Special Protection of Children Against Abuse, Exploitation and Discrimination Act).

Sa katapusan, giila ang mga mananaog sa matag pasundayag nga giapilan sa mga musunod:

Slogan Making Contest

1^st Prize: Kristo Rey O. Paculanan, Brgy. Igpit

2^nd Prize: Cherry Mae Bombeo, Brgy. Igpit

3^rd Prize: Sheena I. Ramiso, Brgy. Barra

Declamation Contest

1^st Prize: Jessa Honey Rose L. Bacadon, Brgy. Patag

2^nd Prize: Ken Cammy P. Romero, Brgy. Luyong Bonbon

3^rd Prize: Yvonne Marie Q. Pueblos, Brgy. Igpit

Acoustic Singing Contest

1^st Prize: Promise Morre Jangao and Vocs Iniego

2^nd Prize: Ian Ryce and Novie Joy A. Durato

3^rd Prize: Fritz Q. Dahang and Shania Kyle Obidos

Si Municipal Mayor, Hon. Maximino “Max” B. Seno gidayeg ang mahinungdanong pag-apil sa kabatan-onang Opolanon diha sa mga programa ug kalihokan sa LGU. Sa dugang, siya nanghinaot nga pinaagi sa Municipal Social Welfare and Development Office (MSWDO) pinangunahan ni Mrs. Marlina A. Alo, madugangan pa ang makahuluganong pakiglambigit sa sektor sa kabatan-onan ug sa ingon nga sila maghatag usab og input bahin sa pagdumala sa atong lungsod. #

– Dedith G. Mabao