Kalihokan sa Kinaiyahan Gipasiugda sa Opol PNP

Subay sa pagpatuman sa Philippine National Police Peace and Order Agenda for Transformation and Upholding of the Rule of Law (PNP P.A.T.R.O.L) Plan 2030, gipasiugdahan sa kapulisan sa Opol ang mga kalihokan sa pagpanalipod sa kinaiyahan.

Niadtong Enero 18, 2021, ang mga kawani sa Opol Municipal Police Station (MPS) ubos sa pagdumala ni Police Major (PMAJ) Ian G. Borinaga, Officer-In-Charge (OIC), nagtanom og mga bakhaw didto sa Zone-8 M, Malingin, Igpit ning lungsod. Kauban ang Bantay Kalikasan, 50 ka mga punla sa bakhaw nga natanom.

Samtang niadtong Pebrero 6, sa pagpangulo ni Police Lieutenant (PLT.) Jimene N. Bagas, Deputy Chief of Police (DCOP) gipahigayon ang susamang gawi kauban ang Gamma Beta Sigma Fraternity and Sorority Alumni ug ang Barangay Peacekeeping Action Team (BPAT) sa maong dapit.

Si Municipal Mayor, Hon. Maximino “Max” B. Seno mipadangat sa iyang pagsaludo sa atong mga pulis diha sa ilang paningkamot nga matabangan nga mapalig-on ang baybayon ug mapugngan ang pagguba niini gikan sa mga balud ug bagyo pinaagi sa pagpananom og mangroves. #

– Cuinee E. Samporna