Opol PESO Gipasidunggan sa DOLE

Midawat og pasidungog ang Opol Public Employment Service Office (PESO) sa gipahigayong 2020 Regional PESO Awards cum Learning Session niadtong Enero 28, 2021 via virtual Zoom ug Facebook live streaming.

Gihatag sa Department of Labor and Employment (DOLE) ang plaque of recognition sa Opol PESO nga nakakuha og 95% performance rating diha sa pagpatuman sa upat ka nag unang mga serbisyo ug programa sama sa referral and placement, provision of labor market information, career guidance and employment coaching sa atong mga graduating student sa Opol National Secondary Technical School (ONSTS) ug sa Opol Community College (OCC), ug livelihood and emergency employment program.

Laing pahidungog usab ang nadawat sa Opol PESO alang sa pagtala sa pinakadaghang mga aplikante (3,792) ug sa pag poste sa pinakadaghang mga bakanteng trabaho sa lokal ug sa gawas sa nasud (8,284) sa tibuok 1^st-2^nd Class Municipality nga lebel alang sa Calendar Year (CY) 2020.

Ubos sa temang “PESO 2020: Dalawang Dekada ng Paghahatid Serbisyo sa Mangagawang Pilipino,” gidayeg ni DOLE-10 OIC-Regional Director Albert E. Gutib ang suporta sa PESO ug sa padayon nga pagpanlimbasog alang sa pagtunol sa maayong mga serbisyo sa Opolanon.

Dako kini nga garbo sa lungsod pinangunahan ni Municipal Mayor, Hon. Maximino “Max” B. Seno ingon usab ni PESO Manager-Designate Odette P. Galangke nga kanunay nga nangita og paagi aron mapalambo pa ang pag-alagad sa katawhan sa Opol. #

– Ralph C. Basalo