Cleanup Drive ug Mangrove Planting Nagmabungahon
Enero 16, 2021 gipahigayon ang usa ka clean-up activity ug mangrove planting kauban ang Philippine Ports Authority (PPA) – Port Management Office (PMO) Misamis Oriental/Cagayan de Oro City ug ang Municipal Environment and Natural Resources Office (MENRO) didto sa marine sanctuary and mangrove site sa Luyong Bonbon, Opol.
Pinangunahan ni Engr. Isidro V. Butaslac, Jr., Port Manager ug ni Mr. Roel Q. Madera, Acting Terminal Manager sa Terminal Management Office (TMO) sa Opol, mikabat sa 200 ka mga bakhaw ang natanom.
Sa pagduyog usab sa Rotarians ug sa Rotary Anns sa Rotary Club of Cagayan de Oro nga gipangulohan sa ilang presidente, Mr. Antonio Agustin T. Rodano, adunay tulo ka sako sa basura ang nakolekta gumikan sa pagpanghinlo sa maong dapit
Mapasalamaton ang amahan sa lungsod nga si Municipal Mayor, Hon. Maximino “Max” B. Seno sa kalampusan sa maong kalihokan nga usa sa mga nag unang programa sa LGU. Siya manghinaot nga magkanunayun ang suporta sa tanang mga ahensiya sa gobyerno ug sa pribado nga mga sektor alang sa kinaiyahan dinhi sa atong lungsod. #
– Engr. Randolph Q. Hallasgo
